Një zjarr ka rënë pasditen e sotme në Postribë të Shkodrës, shumë pranë banesave, duke alarmuar banorët e zonës.
Flakët janë përhapur në një sipërfaqe me bimësi, ndërsa pozicioni i zjarrit pranë banesave e bën situatën veçanërisht shqetësuese. Tymi i dendur është përhapur në zonën përreth, ndërsa ekziston rreziku që flakët të avancojnë drejt banesave, nëse nuk vihen shpejt nën kontroll.
Shërbimet zjarrfikëse janë angazhuar për shuarjen e flakëve dhe izolimin e vatrës, ndërsa banorët po ndjekin me shqetësim situatën.
Ende nuk dihen shkaqet e rënies së zjarrit dhe nuk ka të dhëna të konfirmuara për dëme në banesa apo persona të lënduar.
