Një 14-vjeçare nga fshati Davidovc i Shtimes ka treguar një shembull të lartë ndershmërie dhe përgjegjësie qytetare.
E. Baftiu, të hënën rreth orës 10:00, ka gjetur një portofol brenda të cilit kishte 260 euro dhe dokumente identifikuese. Pa hezituar, ajo e ka dorëzuar atë në Stacionin Policor në Shtime.
Falë dokumenteve të gjetura, Policia ka arritur ta identifikojë pronarin e portofolit, E.M., 17-vjeçar nga fshati Reçak, i cili më pas është njoftuar dhe është paraqitur në stacion për ta marrë atë.
Drejtoria Rajonale e Policisë në Ferizaj ka falënderuar 14-vjeçaren për gjestin e saj, duke e vlerësuar si shembull të ndershmërisë dhe qytetarisë së mirë.
