Një pushuese ka denoncuar situatën shqetësuese në plazhin e Krorëzës, ku, sipas saj, numri i madh i varkave, gomoneve dhe anijeve që lëvizin pranë bregut po rrezikon sigurinë e pushuesve.
Në denoncimin e saj, qytetarja shprehet se mjetet lundruese ndalojnë shumë pranë pushuesve, madje “tek koka”, ndërsa vijojnë të qëndrojnë me motorët ndezur.
“Është tmerrësisht shumë keq me varkat, gomonet dhe anijet. U ndalojnë pushuesve tek koka me motorra ndezur. Është skandal, mund të vritet ndonjë nga momenti në moment”, denoncon ajo.
Sipas pushueses, trafiku i mjeteve lundruese është aq i dendur sa në disa momente nuk duket më as bregu.
“Nuk shihet bregu fare nga anijet dhe varkat që vijnë e ikin çdo moment”, shprehet ajo, duke kërkuar ndërhyrje për të garantuar sigurinë e pushuesve.
Denoncimi ngre shqetësime serioze për respektimin e distancave të sigurisë dhe kontrollin e lëvizjes së mjeteve lundruese në një zonë ku ndodhen pushues.
