Meteorologu Mendim Rugova ka paralajmëruar se kjo e premte mund të shënojë ditën më të nxehtë të vitit në Kosovë.
Sipas tij, temperaturat në Prishtinë pritet të arrijnë deri në 36°C, ndërsa në Dukagjin, veçanërisht në pjesët më të ulëta të Klinës, termometri mund të shënojë 39°C dhe t’i afrohet 40°C.
“Po, megjithatë sot mund të jetë dita më e nxehtë e vitit sipas parashikimeve deri tani”, deklaroi Rugova.
Ai shtoi se, pavarësisht temperaturave të larta, vlera të tilla nuk konsiderohen të pazakonta për muajin gusht.
