Një 32-vjeçar ka humbur jetën mëngjesin e sotëm në një aksident rrugor në aksin Shkozet-Shijak, teksa lëvizte me biçikletë. Viktima, Vasil Hasani, ndërroi jetë në vendngjarje, pasi u përplas nga një automjet ende i paidentifikuar.
Sipas Policisë së Durrësit, ngjarja ndodhi rreth orës 06:15, në vendin e quajtur Rrashbull. Pas përplasjes, drejtuesi i automjetit është larguar nga vendi i ngjarjes, ndërsa autoritetet vijojnë punën për identifikimin dhe kapjen e tij.
Në vendngjarje ndodhet grupi hetimor, i cili nën drejtimin e Prokurorisë po punon për zbardhjen e rrethanave dhe përcaktimin e shkakut të aksidentit.
