Një konflikt i përshkallëzuar ka përfunduar me përdorimin e armës së zjarrit këtë të enjte në Shkodër, ku mbeti i plagosur Vladimir Bruçi.
Ngjarja ndodhi rreth orës 14:30 në lagjen “Rus”. Sipas të dhënave paraprake, dyshohet se Pjerin Bitani ka qëlluar me armë zjarri ndaj Bruçit, duke e lënë të plagosur.
Shkak i konfliktit dyshohet të jetë bërë një debat mes dy palëve lidhur me kamerat e sigurisë. Megjithatë, rrethanat e plota të përplasjes mbeten ende nën hetim.
Bruçi është transportuar në spital, ku po merr ndihmën mjekësore, ndërsa autori i dyshuar është larguar nga vendngjarja. Policia ka nisur kontrollet për lokalizimin dhe kapjen e tij.
