Një denoncim ka mbërritur në redaksinë e JOQ Albania lidhur me vjedhjen e një telefoni në një biznes pranë Kthesës së Kamzës.
Sipas denoncuesit, telefoni ndodhej mbi banakun e punës, ndërsa momenti kur merret është filmuar nga kamerat e sigurisë së biznesit.
Në pamjet e mbërritura në redaksi shihet një i ri, i cili, pasi kryen pagesën për blerjen e një produkti pranë banakut, merr telefonin që ndodhet aty dhe më pas largohet qetësisht nga ambientet e biznesit, sikur pajisja të ishte e tija.
Denoncuesi shprehet se telefoni është marrë pasditen e sotme dhe se më pas pajisja është fikur, duke ngritur dyshimet e tij se veprimi ka qenë i qëllimshëm.
“Doja të bëja një denoncim për një klient që na ka marrë telefonin nga banaku i punës. Telefoni ishte në banak dhe momenti është i kapur nga kamerat”, shkruan qytetari.
Ngjarja raportohet të ketë ndodhur te Kthesa e Kamzës, ndërsa pamjet mund të ndihmojnë në identifikimin e personit që shfaqet në video.
