Çmimet e pushimeve në bregdetin shqiptar vijojnë të jenë në qendër të diskutimeve, ndërsa një qytetar ka raportuar se në Orikum një çadër me dy shezlongë kushton 6000 lekë. Çmimi për një ditë plazhi është konsideruar i lartë, veçanërisht për familjet që zgjedhin të kalojnë disa ditë në bregdet gjatë sezonit veror.
Kosto të tilla po shtojnë shqetësimin e pushuesve për rritjen e shpenzimeve gjatë sezonit turistik. Përveç akomodimit, ushqimit dhe transportit, edhe një ditë e zakonshme në plazh mund të rëndojë ndjeshëm buxhetin e pushuesve, duke rikthyer debatin mbi çmimet e shërbimeve në bregdet dhe raportin e tyre me cilësinë që ofrohet.
