Një situatë tepër e rëndë dhe e rrezikshme po zhvillohet në Daias të Tiranës, ku një zjarr masiv ka marrë përmasa shqetësuese. Përparimi i shpejtë i flakëve ka vënë në rrezik të drejtpërdrejtë edhe vetë jetën e punonjësve të shërbimit zjarrfikës që po përballen me vatrën në terren.
Nga pamjet e siguruara nga vendngjarja, vihet re momenti kritik kur flakët zgjerojnë me shpejtësi perimetrin e tyre dhe ndryshojnë drejtimin në mënyrë të papritur, të favorizuara nga era e fortë që fryne në zonë.
Përparimi i rrufeshëm i zjarrit ka vënë në rrezik serioz dy automjete të forcave zjarrfikëse, të cilat ishin stacionuar shumë pranë vatrës kryesore për të bërë të mundur fikjen e saj.
Rreziku i lartë dhe paniku i momenteve të fundit pasqyrohen qartë në komunikimin mes efektivëve në terren. Në video dëgjohet thirrja alarmuese e njërit prej zjarrfikësve, i cili e paralajmëron kolegun e tij të largohet me urgjencë për t'i shpëtuar rrethimit nga flakët:
“O Sokol, hipi makinës dhe ik o Sokol!”
Situata mbetet kritike, ndërsa era e fortë vazhdon të vështirësojë operacionin e izolimit të vatrës së zjarrit.
