Nga Ministria e së Vërtetës.
Pushuesit në Gjirin e Lalzit u përballën me një pamje sa tronditëse, aq edhe shkencërisht të pashpjegueshme: një figurë gjigante shtetërore e shfaqur direkt mbi ujërat e Adriatikut.
Sipas një njoftimi zyrtar nga Ministria e Së Vërtetës, ngjyra kafe që u përhap me shpejtësi nga kanali i ujërave të zeza nuk është ndotje, por pjesë e projektit të ri: “Shtimi i mineraleve organike në bregdet”.
“Nuk ka asnjë rrjedhje ujërash të zeza nga vilat e luksit,” sqaroi agjencia. “Kjo është thjesht një ndërhyrje direkte biologjike për të ushqyer peshqit dhe për t’i dhënë rërës atë aromën karakteristike të pushtetit.”
Operatorët turistikë kanë nisur menjëherë reklamimin e zonës si "Spa Natyrore me Baltë Kuruese", ndërsa qeveria njoftoi se projekti pilot do të shtrihet së shpejti edhe në Ksamil e Velipojë.
