Pas fjalimeve të mbajtura përpara Kryeministrisë, qytetarët kanë nisur marshimin e përnatshëm në rrugët kryesore të Tiranës, duke shënuar ditën e 71-të radhazi të protestës.
Me pankarta dhe flamuj kuqezi në duar, protestuesit po marshojnë nëpër rrugët kryesore të kryeqytetit, ndërsa në kor dëgjohet thirrja "Ju erdhi fundi" dhe "Rama jepe dorëheqjen".
Prej 71 ditësh, qytetarët janë mbledhur çdo mbrëmje në Tiranë, duke vijuar protestën pa ndërprerje dhe duke dëshmuar këmbëngulje e qëndrueshmëri në kërkesat e tyre.
Marshimi i kësaj mbrëmjeje pritet të vijojë në rrugët e kryeqytetit, i shoqëruar nga thirrje, pankarta dhe flamuj kombëtarë.
