Pas një seance pyetjesh që zgjati rreth tre orë, biznesmeni Rrok Gjoka është larguar nga mjediset e Prokurorisë së Posaçme Kundër Korrupsionit dhe Krimit të Organizuar (SPAK).
Mësohet se prania e tij në SPAK është lidhur me shpjegimet që ai ka dhënë lidhur me procedurat dhe tenderat e rrugëve të fituara ndër vite nga kompania e tij.
Kjo thirrje dhe dëshmi e tij zhvillohet në kuadër të hetimeve intensive që po kryen organi i akuzës lidhur me ish-zëvendëskryeministren Belinda Balluku, ku po verifikohen kontratat publike, fondet dhe proceset e prokurimit të zhvilluara në sektorin e infrastrukturës.
