Një 65-vjeçar ka humbur jetën mëngjesin e sotëm në zonën e Porto Palermos, në Himarë, pas shpërthimit të një lënde plasëse që dyshohet se po e përdorte për peshkim të paligjshëm.
Sipas informacionit paraprak të policisë, ngjarja ka ndodhur rreth orës 09:00, kur shtetasi me iniciale P. M. është dëmtuar rëndë nga shpërthimi i dinamitit gjatë aktivitetit të paligjshëm të peshkimit.
I dëmtuari është transportuar për ndihmë mjekësore në Qendrën Shëndetësore Himarë, por, pavarësisht ndërhyrjes së bluzave të bardha, ka ndërruar jetë si pasojë e plagëve të marra.
Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes dhe dokumentimin e përgjegjësive ligjore.
