Një konflikt mes dy të rinjve ka degraduar në dhunë fizike pasditen e kësaj të mërkure në qytetin e Durrësit, duke lënë të plagosur njërin prej tyre.
Sipas informacioneve paraprake, ngjarja ka ndodhur pranë sheshit "Pranvera", ku dy të rinjtë fillimisht janë përfshirë në një debat verbal. Mësohet se përplasja ka nisur brenda një pike postare në zonë dhe më pas është zhvendosur jashtë, ku situata ka dalë jashtë kontrollit dhe është shoqëruar me dhunë fizike.
Si pasojë e konfliktit, njëri prej të rinjve ka marrë lëndime dhe është transportuar në spital për të marrë ndihmën mjekësore.
Ndërkohë, i dyshuari si autor i ngjarjes është shoqëruar nga efektivët e Forcës së Posaçme "Shqiponja", ndërsa policia vijon veprimet për zbardhjen e plotë të rrethanave dhe motiveve që çuan në konflikt.
