Në redaksinë e JOQ Albania ka mbërritur një denoncim nga një qytetar, i cili ka dërguar pamje nga plazhi i Borshit, duke ngritur shqetësime për pastërtinë e bregdetit në kulmin e sezonit turistik.
Sipas qytetarit, kjo është gjendja e plazhit gjatë ditës së sotme, ku në pamje dallohet papastërtia përgjatë vijës bregdetare, duke prishur imazhin e një prej destinacioneve më të frekuentuara të Rivierës Shqiptare.
"Përshëndetje JOQ. Kjo është situata sot në plazhin e Borshit," shkruan qytetari në mesazhin e dërguar në redaksi.
Pamjet kanë ngjallur shqetësim, sidomos në një periudhë kur mijëra pushues vendas dhe të huaj vizitojnë çdo ditë Borshin, i njohur për vijën e gjatë ranore dhe ujin e pastër.
Banorët dhe pushuesit kërkojnë që institucionet përgjegjëse të ndërhyjnë për pastrimin e zonës dhe mirëmbajtjen e plazhit, në mënyrë që një nga perlat e bregdetit shqiptar të mos përballet me probleme që dëmtojnë mjedisin dhe turizmin.
JOQ Albania fton Bashkinë Himarë dhe strukturat përgjegjëse të reagojnë për këtë problem dhe të marrin masat e nevojshme për pastrimin e plazhit.
