Arratiset një 19-vjeçar shqiptar nga qendra e emigrantëve në Britani

Shkruar nga: S. H | Publikuar më: 17.07.2026, 14:29

Një 19-vjeçar shqiptar është arratisur nga Qendra e Ndalimit të Emigracionit Campsfield në Oxfordshire, Mbretëria e Bashkuar, gjatë transferimit të tij në spital më 14 korrik. Lajmi u konfirmua nga Ministria e Brendshme britanike, e cila bëri të ditur se autoritetet kanë nisur menjëherë kërkimet për lokalizimin dhe ndalimin e tij.

Në një deklaratë për mediat, Ministria e Brendshme tha se ka masa të forta për të gjurmuar personat që arratisen nga ndalimi, por nuk dha detaje të tjera pasi hetimet janë ende në zhvillim. Rasti është raportuar edhe nga media britanike Sky News.

Ngjarja ndodh më pak se një vit pas rihapjes së qendrës Campsfield, e cila rifilloi funksionimin në vitin 2025 pas një rinovimi të plotë. Qendra është pjesë e strategjisë së qeverisë britanike për të zgjeruar kapacitetet e ndalimit të emigrantëve dhe për të rritur numrin e deportimeve, ndërsa sipas autoriteteve britanike, rreth 70 mijë persona janë larguar nga Mbretëria e Bashkuar që prej ardhjes në pushtet të qeverisë aktuale.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.

JOQ Sondazh

KLIKO PËR TË VOTUAR

Më të Lexuarat

Shkarkoni aplikacionin JOQ ALBANIA në platformat

Më të fundit