Përplasje te Franca pas eleminimit, Dembele debaton me shokët në dhomat e zhveshjes

Detaje të reja kanë dalë nga prapaskenat e eliminimit të Francës nga Kupa e Botës pas humbjes përballë Spanjës. Sipas prestigjiozes franceze L’Équipe, atmosfera në kampin e “Gjelave” ka qenë e tensionuar gjatë pushimit mes dy pjesëve.

Raportohet se sulmuesi i Ousmane Dembélé ka reaguar ashpër ndaj disa prej shokëve të skuadrës, duke kritikuar mënyrën se si ekipi po aplikonte presionin ndaj kundërshtarëve. Futbollisti i PSG-së mësohet se ka ngritur shqetësime për mungesën e koordinimit në fazën mbrojtëse, duke argumentuar se kjo po i jepte më shumë hapësira Spanjës.

Sipas medias franceze, fjalët e Dembélés nuk janë pritur mirë nga të gjithë lojtarët. Disa prej tyre kanë shfaqur pakënaqësi ndaj kritikave të tij, duke krijuar një debat të fortë në dhomat e zhveshjes në një moment vendimtar, kur Franca kërkonte të rikthehej në lojë.

Eliminimi nga Spanja i dha fund objektivit të Francës në këtë Botëror, ndërsa raportimet e L’Équipe kanë nxjerrë në pah një atmosferë të acaruar brenda grupit gjatë një prej ndeshjeve më të rëndësishme të turneut.