Një vatër zjarri është regjistruar në Elbasan ditën e sotme pranë varrezave të qytetit, ku mbetjet janë përfshirë nga flakët duke shkaktuar panik te banorët e zonës.
Sipas denoncimit të qytetarëve, mungesa e pastrimit të mbetjeve ka bërë që disa persona të marrin zgjidhjen në duart e tyre duke i djegur ato, por kjo ka sjellë rrezik serioz për përhapjen e zjarrit pranë banesave dhe pronave të tjera.
Pamjet tregojnë zjarrin dhe ndërhyrjen e zjarrfikëses për shuarjen e flakëve. Banorët shprehen të shqetësuar dhe kërkojnë reagim nga institucionet, pasi djegia e mbetjeve në ambiente të hapura përbën rrezik për shëndetin, mjedisin dhe sigurinë e komunitetit.
“Shikoni çfarë ndodh në qytetin e Elbasanit, në mes të ditës digjen mbetje dhe kabllo, ndërsa askush nuk merr masa”, shprehen qytetarët në denoncimin e tyre.
