Tre persona janë arrestuar, pasi dyshohet të kenë ofruar dokumente të falsifikuara te noteri, për të marrë autorizimin për shitblerje të disa parcelave.
Kjo tentohej të bëhej pa dijeninë e pronarit legjitim të parcelave.
Rasti ka ndodhur në Mitrovicë të Veriut, dje rreth orës 11:15.
“Në konsultim me prokurorin është kryer bastisja në shtëpinë e njërit nga të dyshuari ku gjatë kontrollit janë gjetur dhe sekuestruar disa dokumente relevante lidhur me rastin. Ndërsa, nga i dyshuari tjetër është sekuestruar një veturë dhe një telefon” deklaron policia.
Bëhet e ditur se palët janë intervistuar. Tre të dyshuarit janë dërguar në mbajtje, me vendim të prokurorit.
