Tifozët francezë pushtojnë Dallasin, qyteti ‘ndizet’ para përballjes me Spanjën

Atmosfera në Dallas është elektrizuese vetëm pak orë përpara gjysmëfinales së madhe të Kupës së Botës 2026 mes Francës dhe Spanjës.

Qindra, madje mijëra tifozë francezë kanë pushtuar rrugët, sheshet dhe lokalet pranë stadiumit, duke krijuar një atmosferë festive me flamuj, këngë dhe kore që dëgjohen në çdo cep të qytetit.

Të veshur me fanellat blu të "Les Bleus", mbështetësit e Francës po shfaqin besim të plotë se skuadra e tyre do të sigurojë një vend në finalen e madhe. Mes brohoritjeve dhe fishekzjarrëve, tifozët nuk kanë reshtur së kënduari himnet e kombëtares, ndërsa shumë prej tyre kanë udhëtuar mijëra kilometra vetëm për të qenë pranë ekipit në këtë sfidë vendimtare.

Gjysmëfinalja ndaj Spanjës konsiderohet një nga përballjet më të forta të këtij Botërori, pasi vë përballë dy prej favoriteve kryesore për trofeun.

Në Dallas pritet një mbrëmje spektakolare, jo vetëm në fushë, por edhe në tribuna, ku tifozët francezë kanë dhënë sinjalet e para se janë gati të fitojnë "ndeshjen" e atmosferës përpara se topi të nisë të rrotullohet.