Personi që shihni në foto është Shtjefën Ziçi, 62 vjeç, i arrestuar nga Policia si autori i dyshuar i vrasjes së bashkëshortes së tij në Shkodër.
Krimi i rëndë ndodhi rreth orës 13:00, në zonën e Unazës Lindore të qytetit. Sipas të dhënave paraprake, 62-vjeçari dyshohet se qëlloi me armë gjahu bashkëshorten e tij, Bardhe Ziçi, 55 vjeçe. Si pasojë e plagëve të marra, ajo humbi jetën në vendngjarje, në pragun e derës së banesës.
Menjëherë pas ngjarjes, forcat e Policisë ndërhynë duke arrestuar autorin e dyshuar, ndërsa arma e krimit u sekuestrua në cilësinë e provës materiale. Grupi hetimor vijon punën për zbardhjen e plotë të rrethanave dhe motiveve që çuan në këtë krim të rëndë në familje.
