Në ditën e saj të 35-të, protesta maratonë mbarëkombëtare kundër qeverisë ka marrë një kthesë tejet ironike dhe simbolike këtë të shtunë. Teksa qytetarëve në shesh u është bashkuar edhe diaspora e ardhur rishtazi, organizatorët kanë gjetur një mënyrë të veçantë për të "uruar" kryeministrin Edi Rama, i cili sot feston ditëlindjen.
Përpara godinës së Kryeministrisë është nxjerrë një tortë e madhe, e cila në vend të urimeve tradicionale, është shoqëruar nga thirrjet e fuqishme të qytetarëve në kor: "Edhe 100 vite burg!".
Nga pamjet e siguruara drejtpërdrejt nga tubimi, dizajni i tortës mbart një mesazh të qartë dhe të ashpër politik, duke mos kursyer asnjë krah të politikës së vjetër:
Në këtë 35-vjetor të revoltës së vazhdueshme në kryeqytet, protestuesit shpjeguan se ky aksion simbolizon ndëshkimin dhe llogaridhënien që populli kërkon për të gjithë klasën e vjetër politike, pa dallim mes pozitës dhe opozitës, duke i bërë njësoj përgjegjës për gjendjen e vendit.
