Një ngjarje tragjike u regjistrua pasditen e së premtes në bregdetin e Vlorës, ku një 29-vjeçare humbi jetën pasi dyshohet se u mbyt në det.
Sipas informacioneve paraprake, viktima është shtetasja shqiptare A. Gjilaj, 29-vjeçe, e cila kishte shkuar për të kaluar pushimet në zonën e Porto Novos së bashku me familjen.
Pasi u nxor nga uji, trupi i pajetë u transportua fillimisht në Triport dhe më pas në morg, ku do t'i nënshtrohet procedurave mjeko-ligjore.
Shkaqet dhe rrethanat e plota të ngjarjes nuk janë sqaruar ende, ndërsa pritet që hetimet e autoriteteve të hedhin më shumë dritë mbi rastin.
