Ditën e sotme, në këtë fillim korriku me temperatura ekstreme, një qyterare nga Qerreti i Kavajës i ka ardhur në ndihmë një të moshuari që jeton në kushte tepër të vështira.
Fillimisht, ajo i ka dhënë para që ai të blinte ushqime, por për shkak se i moshuari qëndron në rrugë dhe nuk kishte as këpucë veshur, nuk është lejuar të hyjë në market. Për këtë arsye, qytetarja ka hyrë vetë brenda dhe me 5 mijë lekët e fundit që kishte në xhep i ka blerë bukë, kos, sallam, salcë kosi dhe produkte të tjera bazë për një vakt.
Qytetarja shprehet e shqetësuar për gjendjen e tij, duke treguar se i moshuari i ka thënë se nuk ka familje dhe se kalon ditët në rrugë, edhe në temperaturat e larta, duke kërkuar lëmoshë.
Ajo thotë se i moshuar nuk merr ndihmë nga bashkia prandaj ka përfunduar në këtë gjendje dhe rrugëve të qytetit.
