Një grua 71-vjeçare është gjetur pa shenja jete në një bunar në fshatin Koshare të Ferizajt, ndërsa rasti është duke u hetuar nga Policia e Kosovës.
Sipas zëdhënësit të Policisë për rajonin e Ferizajt, Kanun Veseli i cili e ka konfirmuar për Indeksonline, se rreth orës 13:00 të ditës së sotme , Stacioni Policor në Ferizaj ka pranuar një informatë se një person i gjinisë femërore kishte rënë në një pus (bunar) në fshatin Koshare.
“Sot rreth orës 13:00 stacioni policor në Ferizaj ka pranuar një informatë se një person i gjinisë femërore kishte rënë në një pus (bunar) ne fshatin Koshare. Menjëherë në vendin e ngjarjes kanë dalë policët e stacionit, hetuesit dhe krim-teknikët rajonalë.
Një njësi e Brigadës së zjarrëfikësve ka ndërhyrë aty dhe kanë nxjerrë trupin nga pusi. Në vendin e ngjarjes ka dalë edhe ekipi i Emergjencës së Ferizajt, të cili kanë konstatuar vdekjen e viktimës , femër, 71 vjeçe.
Lidhur me rastin është njoftuar prokurori i shtetit, i cili ka autorizuar ndërmarrjen e të gjitha veprimeve hetimore. Rasti është cilësuar “Hetim mbi vdekjen” Me urdhër të prokurorit, trupi i pajetë është dërguar në Institutin e Mjekësisë Ligjore (IML) në Prishtinë për kryerjen e autopsisë.”, tha Veseli.
