Një qytetar ka denoncuar në redaksinë tonë një rast shqetësues lidhur me një produkt të blerë në rrjetin e marketeve SPAR, ku sipas tij është konstatuar një problem serioz me cilësinë dhe etiketimin e ushqimit.
Sipas denoncimit, bëhet fjalë për një djathë të bardhë të markës “Erzeni”, i cili është blerë në një nga pikat e shitjes së SPAR. Qytetari pas hapjes së produktit ka vënë re prezencë myku, çka e bën atë të papërshtatshëm për konsum dhe ngre pikëpyetje mbi kushtet e ruajtjes dhe sigurisë ushqimore.
Përveç kësaj, produkti në etiketë është paraqitur si “kaçkavall”, ndërkohë që në realitet rezulton të jetë djathë i bardhë, duke krijuar dyshime për keqetiketim ose moskorrektësi në deklarimin e produktit.
Rasti ka nxitur reagim dhe shqetësim te konsumatorët, të cilët kërkojnë më shumë kontrolle mbi produktet ushqimore që tregtohen në markete, sidomos në rrjete të mëdha shpërndarjeje.
