Rama: Nuk pranoj protestues sharlatanë dhe hipokritë të më thonë si bëhet Shqipëria

Rama tha se jo të gjithë protestuesit kanë të njëjtat arsye për të dalë në rrugë, duke përmendur ndikimin e rrjeteve sociale, “impulseve nacionaliste” dhe “manipulimeve” si faktorë që, sipas tij, ndikojnë në mobilizimin e qytetarëve. Ai theksoi se ekziston një dallim mes atyre që protestojnë për një “hall real” dhe të tjerëve që, sipas tij, udhëhiqen nga interesa të tjera.

“Unë nuk pranoj çdo sharlatan apo hipokrit që del e më thotë si bëhet Shqipëria, këtë nuk e pranoj”, u shpreh Rama, duke shtuar se ndjek çdo mesazh dhe debat publik që lidhet me të. Ai theksoi gjithashtu se është i gatshëm të përballet në debat me kritikët e tij, por jo me ata që i konsideron të shtyrë nga manipulime apo qëllime politike.