Një incident i frikshëm ndodhi në bordin e një avioni të Air China, pasi një bateri litium brenda një power bank-u të një pasagjeri mori flakë papritur në ndarjen e bagazheve mbi sedilje, duke shkaktuar panik mes udhëtarëve.
Ekuipazhi i kabinës reagoi menjëherë, duke shuar flakët dhe parandaluar përhapjen e zjarrit, çka shmangu një situatë që mund të kishte pasoja shumë më të rënda.
Ngjarja rikthen në vëmendje rrezikun që paraqesin bateritë litium gjatë udhëtimeve ajrore dhe rëndësinë e respektimit të rregullave të sigurisë për transportimin e power bank-ëve dhe pajisjeve të tjera me bateri litium.
Ndërkohë, autoritetet e aviacionit po paralajmërojnë pasagjerët që të mos vendosin power bank, cigare elektronike (vape) apo pajisje të ngjashme me bateri litium në bagazhet e dorëzuara në bagazh, veçanërisht në prag të sezonit veror të udhëtimeve.
Sipas autoritetit rregullator të aviacionit, bateritë litium përbëjnë tashmë rrezikun numër një për sigurinë e avionëve. Mjaftoi vetëm një bateri për ta kthyer një fluturim të zakonshëm në një emergjencë të vërtetë.
Pamjet e incidentit tregojnë edhe një herë pse kompanitë ajrore zbatojnë rregulla të rrepta për transportimin e baterive dhe power bank-ëve. Pyetja që shtrohet është: A duhet të ketë kufizime edhe më të forta për pajisjet që pasagjerët lejohen të marrin në bord?
