Shkruar nga: I Cani | Publikuar më: 26.06.2026, 17:39
Autoritetet në Mianmar kanë asgjësuar mbi 50 ton lëndë narkotike të sekuestruara, me një vlerë të vlerësuar rreth 600 milionë dollarë. Droga u dogj në periferi të qytetit më të madh të vendit, duke krijuar re të dendura tymi gjatë operacionit.
Sasia e shkatërruar përfshinte heroinë, opium, ketaminë, metamfetaminë, metamfetaminë kristalore dhe marihuanë. Autoritetet thanë se aksioni është pjesë e përpjekjeve për të goditur rrjetet e trafikut të drogës.
Ekspertët vlerësojnë se situata e paqëndrueshme politike pas grushtit të shtetit në vitin 2021 dhe konflikti i vazhdueshëm civil kanë krijuar terren të favorshëm për zgjerimin e prodhimit dhe trafikimit të narkotikëve. Vetëm në fillim të këtij viti, ushtria njoftoi sekuestrimin më të madh të drogës në historinë e Myanmarit, pas bastisjeve në 12 laboratorë të prodhimit në shtetin Shan.
Myanmar mbetet një nga prodhuesit më të mëdhenj në botë të heroinës dhe metamfetaminës, ndërsa pjesa më e madhe e këtyre lëndëve kontrabandohet drejt vendeve të Azisë Lindore dhe Azisë Juglindore.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
JOQ Sondazh
KLIKO PËR TË VOTUAR
