Banorët e rrugës "Tefta Tashko" kanë ngritur shqetësimin për grumbujt e inerteve që janë lënë në rrugë prej rreth një jave pas përfundimit të punimeve.
Një qytetare, e cila ka kontaktuar redaksinë tonë, thotë se rruga është hapur për qarkullim, por gurët dhe mbetjet e ndërtimit vazhdojnë të qëndrojnë në vend, duke shqetësuar banorët e zonës.
"Ka një javë që i kanë lënë këtu. Jemi ankuar, por askush nuk vjen t'i heqë. Nuk kemi zgjidhje tjetër, ndaj po e bëjmë publike këtë shqetësim", shprehet qytetarja.
Banorët kërkojnë ndërhyrjen e institucioneve përgjegjëse për pastrimin e zonës dhe largimin e inerteve, të cilat, sipas tyre, po pengojnë lëvizjen dhe po krijojnë një pamje të papërshtatshme në lagje.
