Kreu i Partisë Demokratike, Sali Berisha, ka udhëtuar mesditën e kësaj të enjte jashtë Shqipërisë. Në pamjet e publikuara nga një qytetar në rrjetet sociale, ai shihet duke u shoqëruar nga shërbimi ekskluziv i aeroportit deri në shkallët e avionit.
"Po arratisen një nga një këta", shkruan qytetari. Destinacioni i udhëtimit nuk është bërë publik, megjithatë, sipas personit që ka publikuar pamjet, Berisha dyshohet se është nisur drejt Gjermanisë. Deri më tani nuk ka një konfirmim zyrtar lidhur me itinerarin e tij.
Në pamje, kreu i demokratëve shfaqet i shoqëruar nga asistenti i tij, i cili mban bagazhet, ndërsa pas tyre shihet edhe deputeti i Partisë Demokratike, Tomor Alizoti.
