Një banor i fshatit Vodëz, në bashkinë e Kuçovës, ka ngritur shqetësimin për cilësinë e ujit që furnizohet në zonë.
Ai thotë se në orët e para të mëngjesit, nga rubinetat del ujë me ngjyrë të errët dhe i papastër, duke e bërë të pamundur
përdorimin e tij për nevojat e përditshme.
“Taksa paguajmë rregullisht, por shikoni si na vjen uji. Që në mëngjes është i zi dhe i papastër. Nuk lajmë dot as duart, as enët, as rrobat. Me çfarë do të lahemi?”, shprehet qytetari.
Banorët kërkojnë ndërhyrjen e institucioneve përgjegjëse për të verifikuar situatën dhe për të garantuar furnizimin me ujë të pastër dhe të sigurt për konsum dhe përdorim familjar.
