Pushuesit në Himarë kanë ngritur shqetësimin për ndotjen e ujit në bregdet, ku prej disa ditësh është shfaqur një shtresë llumi që ka krijuar neveri dhe shqetësim tek vizitorët.
Sipas raportimeve të pushuesve, fenomeni vazhdon prej ditësh, ndërsa pamjet e ujit të ndotur kanë ndikuar negativisht në përvojën e pushimeve në zonë. Ata shprehen se gjendja është e pazakontë dhe kërkojnë sqarime nga institucionet përgjegjëse.
Deri më tani nuk dihet shkaku i saktë i ndotjes, ndërsa mbetet e paqartë nëse bëhet fjalë për një fenomen natyror apo për ndotje të shkaktuar nga faktorë të tjerë.
