Tërmetet me magnitudë 7.2 dhe 7.5 ballë rrëzuan dhjetëra ndërtesa, shkaktuan të paktën 32 viktima dhe plagosën mbi 700 persona, sipas autoriteteve. Ndërkohë, ka nisur një operacion i madh kërkim-shpëtimi.
Dy tërmete të fuqishme goditën Venezuelën, duke shembur shumë ndërtesa dhe duke lënë të paktën 32 të vdekur e 700 të plagosur, në një fatkeqësi që i shtohet krizës së rëndë politike dhe ekonomike që po përjeton vendi.
Njëri prej tërmeteve ishte më i forti që ka goditur Venezuelën në më shumë se një shekull, ndërsa përmasat e plota të dëmeve nuk ishin ende të qarta në orët e para të së enjtes.
Në Caracas, kryeqytetin e Venezuelës, ndërtesat u lëkundën dhe disa u shembën, ndërsa banorët dolën të panikosur në rrugë.
Në disa zona të qytetit pati ndërprerje të energjisë elektrike, duke lënë lagje të tëra në errësirë, ndërsa shërbimet e metrosë dhe trenave u pezulluan. Disa rrugë u përmbytën si pasojë e çarjes së tubacioneve të ujit.
