Për herë të parë në Holandë një fëmijë nën 12 vjeç ndërron jetë përmes eutanazisë

Sipas raportit, fëmija vuante nga një sëmundje e rëndë dhe e pashërueshme, por autoritetet nuk kanë dhënë detaje të tjera për gjendjen mjekësore apo rrethanat specifike. Rasti është referuar gjithashtu për hetim nga prokuroria publike për të verifikuar nëse janë respektuar të gjitha procedurat ligjore.

Ligji holandez lejon eutanazinë edhe për fëmijët e moshës 1 deri në 12 vjeç në raste të jashtëzakonshme, kur vuajtja është e padurueshme dhe nuk ka mundësi shërimi, duke kërkuar pëlqimin e prindërve dhe vlerësime mjekësore të shumta. Holanda është vendi i parë që ka legalizuar eutanazinë për të rriturit dhe më pas ka zgjeruar kuadrin ligjor edhe për kategori të caktuara fëmijësh.