Një aksident me pasojë vdekje është regjistruar në aksin e vjetër rrugor Fushë-Krujë–Laç, ku një automjet tip “Benz” është përplasur me një motoçikletë.
Si pasojë e përplasjes, drejtuesi i motoçikletës, Gjin Kola, banor i zonës, ka ndërruar jetë në vendngjarje.
Drejtuesi i automjetit, Luljan Vena, 24 vjeç, është shoqëruar në Komisariatin e Policisë Fushë-Krujë, ndërsa grupi hetimor po punon për zbardhjen e rrethanave të aksidentit dhe shkaqeve të tij, ku paraprakisht dyshohet pakujdesi në drejtim, në pritje edhe të ekspertizës auto-teknike.
