Dy turistë ukrainas kanë rrezikuar të mbyten në Ksamil, pasi skafi me të cilin po lundronin u bllokua në det të hapur si pasojë e erërave të forta dhe motit të rënduar.
Mjeti i marrë me qira ka pësuar avari dhe ka rrezikuar të fundoset bashkë me dy shtetasit e huaj në bord.
Në vendngjarje kanë ndërhyrë shërbimet e Policisë Kufitare dhe Njësisë Delta, të cilët kanë bërë të mundur nxjerrjen e turistëve në breg.
Fatmirësisht, të dy ndodhen në gjendje të mirë shëndetësore, ndërsa po punohet për të tërhequr skafin nga deti.
