Një tragjedi e rëndë ka tronditur këtë të premte bregdetin e Tales në Lezhë, ku dy vajza të mitura, vetëm 11 dhe 9 vjeçe, kanë humbur jetën pasi dyshohet se janë mbytur pasi dyshohet se kanë qenë të pashoqëruara.
Sipas të dhënave paraprake, dy të miturat ndodheshin në një zonë plazhi publik kur, në rrethana që ende nuk janë sqaruar plotësisht, janë përfshirë nga dallgët duke mos mundur të dalin më në breg.
Pas njoftimit për ngjarjen, në vendngjarje kanë mbërritur shërbimet e emergjencës dhe forcat e policisë, ndërsa trupat e pajetë të vajzave janë nxjerrë nga deti dhe janë transportuar drejt morgut të Spitalit Rajonal të Lezhës.
