Roberto Martinez duket se është drejt fundit të aventurës së tij në stolin e Portugalisë. Sipas raportimeve të mediave ndërkombëtare, trajneri spanjoll ka vendosur të mos zgjasë kontratën aktuale, e cila përfundon në fund të korrikut të këtij viti.
Pavarësisht rezultateve që Portugalia do të arrijë në arenën ndërkombëtare dhe paraqitjeve në stadiumet e Amerikës së Veriut, 52-vjeçari pritet të dorëzojë largimin e tij, duke mbyllur kështu një cikël trevjeçar në krye të kombëtares luzitane.
Sa i përket së ardhmes, Martinez po shqyrton disa alternativa për karrierën e tij. Një rikthim në Premier League mbetet një mundësi konkrete, por në tavolinë janë edhe oferta të mundshme nga kampionate të tjera elitare europiane apo drejtimi i një kombëtareje tjetër.
