Një breshkë e rënë në rrjetat e peshkatarëve është shpëtuar sot në zonën bregdetare të Dhërmiut, pas ndërhyrjes së shpejtë të një punonjësi që ndodhej në vendngjarje.
Punonjës i një kompanie turistike, ka ndërhyrë në mënyrë të shpejtë dhe të kujdesshme për të shpëtuar breshkën që ishte ngatërruar në fillin e peshkimit të peshkatarëve.
Turistët që ishin pjesë e shëtitjes me varkë thonë se breshkës i ishte lidhur filli për qafe dhe nuk mund të çlirohej vetë.
Punonjësi i kompanisë turistike ka reaguar menjëherë, duke e nxjerrë me kujdes breshkën nga uji dhe pastaj me kujdes i ka hequr fillim pa i shkaktuar dëmtime.
Pas ndërhyrjes, breshka është kontrolluar shkurtimisht dhe më pas është lëshuar sërish në det në gjendje të mirë.
Turistët e kanë duartrokitur dhe përshëndetur veprimin e punonjësit i cili me qetësi dhe kujdes i shpëtoi jetën breshkës.
