Një ngjarje e rëndë është regjistruar në fshatin Vreshtas, në bashkinë e Maliqit, ku një 14-vjeçar është gjetur pa shenja jete në banesën e tij.
Sipas të dhënave paraprake, i mituri dyshohet se vuante prej kohësh nga epilepsia, ndërsa raportohet se kishte edhe probleme të lindura kardiake.
Nëna e tij ka njoftuar menjëherë shërbimet e urgjencës mjekësore, por pavarësisht ndërhyrjes së mjekëve që kanë mbërritur në vendngjarje, i riu kishte ndërruar jetë.
Në banesë kanë shkuar edhe forcat e Policisë, të cilat kanë nisur procedurat dhe verifikimet për të sqaruar rrethanat e plota të ngjarjes.
Mësohet se 14-vjeçari jetonte me nënën dhe njerkun, pasi prindërit e tij ishin të ndarë. Autoritetet pritet të japin më shumë detaje pas përfundimit të hetimeve dhe ekspertizës mjeko-ligjore.
