Një shpërthim me lëndë plasëse është regjistruar sot në një banesë në qytetin e Lezhës, duke shkaktuar panik në zonë. Ngjarja ka ndodhur në rrethana ende të paqarta, ndërsa banorët kanë njoftuar menjëherë autoritetet.
Nga informacionet paraprake, dyshohet se si pasojë e shpërthimit një person ka mbetur i plagosur. Ai është paraqitur në Spitalin e Lezhës me plagë në trup dhe po merr ndihmën e nevojshme mjekësore.
Policia ndodhet në vendngjarje dhe ka nisur hetimet për të sqaruar shkaqet dhe rrethanat e shpërthimit. Deri më tani nuk dihen motivet apo nëse bëhet fjalë për një ngjarje të qëllimshme apo aksidentale.
