Banorët e një zone pranë autostradës kanë dalë në protestë këtë të diel, duke bllokuar përkohësisht qarkullimin e automjeteve në shenjë kundërshtimi ndaj mungesës së mbikalimeve dhe infrastrukturës së nevojshme për lëvizjen e sigurt të këmbësorëve.
Protestuesit shprehen se prej kohësh kanë ngritur shqetësimin e tyre pranë institucioneve përgjegjëse, por sipas tyre, kërkesat kanë mbetur pa zgjidhje. Ata argumentojnë se mungesa e mbikalimeve i detyron banorët të kalojnë autostradën mes automjeteve që lëvizin me shpejtësi të lartë, duke rrezikuar jetën çdo ditë.
Sipas banorëve, problematika prek veçanërisht fëmijët, të moshuarit dhe qytetarët që duhet të kalojnë nga njëra anë e rrugës në tjetrën për të shkuar në shkollë, në punë apo për të kryer shërbimet e përditshme.
Me pankarta në duar dhe thirrje drejtuar autoriteteve, protestuesit kërkuan ndërhyrje të menjëhershme për ndërtimin e mbikalimeve dhe garantimin e sigurisë rrugore.
