Një grua ka humbur jetën sot në Fushë Kosovë pasi ka rënë nga një ndërtesë.
Policia e Kosovës ka bërë të ditur se rreth orës 12:00 ka pranuar informatën për rastin, i cili ka ndodhur në rrugën “Abedin Sogojeva” në Fushë Kosovë.
Sipas policisë, viktima nuk ka mundur t’u mbijetojë lëndimeve të marra.
“Viktima (femër) nuk ka përballuar lëndimet dhe e njëjta ka vdekur. Vdekjen e viktimës e ka konstatuar ekipi mjekësor në vendngjarje”, thuhet në përgjigjen e policisë për Insajderin.
Lidhur me rastin, Policia e Kosovës në koordinim me Prokurorinë kompetente ka nisur hetimet për të sqaruar rrethanat e ngjarjes.
