Kryeministri Edi Rama pritet të zhvillojë këtë të premte në mbrëmje një takim me banorët e Zvërnecit, sipas burimeve të mediave.
Mësohet se takimi është planifikuar të nisë në orën 18:00 dhe do të ketë në fokus shqetësimet dhe çështjet që prekin komunitetin lokal, si edhe problematikat e ngritura nga banorët e zonës.
Në këtë bashkëbisedim pritet të jenë të pranishëm edhe përfaqësues të Bashkisë së Vlorës, ndërsa aktiviteti do të mbahet në sallën e Këshillit Bashkiak të Vlorës.
Takimi vjen në një moment kur kundërshtimet ndaj projektit të resortit në Zvërnec kanë vijuar të intensifikohen, me protesta që kanë kaluar kufijtë e zonës dhe janë shtrirë edhe në Tiranë, duke tërhequr vëmendje në nivel kombëtar.
