Një aksident ka ndodhur mesditën e sotme në zonën e Kombinatit, ku një automjet ka përplasur një fëmijë të vogël.
Sipas dëshmitarëve në vendngjarje, fëmija ka mbetur i shtrirë dhe i gjakosur për rreth 30 minuta pa marrë ndihmë mjekësore. Më pas, në vendin e ngjarjes ka mbërritur ambulanca dhe fëmija është transportuar për në spital.
Në vendngjarje ndodhet edhe policia, e cila po merret me drejtuesin e automjetit dhe po heton rrethanat e aksidentit.
