Banorët e Lezhës po përballen prej disa kohësh me një situatë shqetësuese e cila lidhet me probleme të përsëritura në furnizimin me ujë.
Sipas tyre, çdo 2-3 ditë nga çezmat rrjedh ujë me ngjyrë të zezë, duke ngritur pikëpyetje serioze mbi cilësinë dhe sigurinë e tij.
Një qytetare tregon se teksa po lante enët, uji në çezmë u bë papritur sterr i zi. Banorët shprehen të alarmuar dhe kërkojnë reagim nga institucionet përgjegjëse, pasi frikësohen se kjo situatë mund të përbëjë rrezik për shëndetin e tyre.
Ata kërkojnë verifikimin e menjëhershëm të cilësisë së ujit dhe marrjen e masave për të shmangur përsëritjen e këtij problemi.
