Një ngjarje e rëndë është regjistruar mbrëmjen e sotme në fshatin Sevaster të Vlorës, ku një person ka mbetur i plagosur si pasojë e të shtënave me armë zjarri.
Sipas informacioneve paraprake, i plagosuri është identifikuar si Shpati Kamberaj, 44 vjeç. Ai është transportuar me urgjencë drejt spitalit për të marrë ndihmën e nevojshme mjekësore, ndërsa gjendja e tij shëndetësore raportohet e rëndë.
Menjëherë pas sinjalizimit, në vendngjarje kanë mbërritur shërbimet e Policisë dhe ambulanca. Forcat e rendit kanë rrethuar zonën dhe kanë nisur hetimet për të zbardhur rrethanat e plota të ngjarjes, si dhe për të identifikuar autorin ose autorët e përfshirë.
Deri më tani nuk dihen shkaqet e konfliktit që çuan në plagosjen e 44-vjeçarit, ndërsa grupi hetimor po punon për mbledhjen e provave dhe dëshmive që mund të ndihmojnë në zbardhjen e ngjarjes.
