Banorët dhe drejtuesit e mjeteve që qarkullojnë pranë Liqenit të Thatë, në segmentin rrugor afër ‘VET Hospital’ kanë denoncuar në redaksinë tonë situatën e rënduar për shkak të punimeve të papërfunduara në rrugë.
Sipas tyre, asfaltimi ka nisur rreth 7 ditë më parë, por ende nuk është finalizuar, duke e lënë segmentin në gjendje të rrezikshme për qarkullim.
Ata shprehen se mungesa e përfundimit të asfaltimit po shkakton dëmtime të automjeteve, siç janë çarjet e gomave, si dhe rrezik për drejtuesit e motorëve, të cilët raportojnë rrëshqitje dhe rrëzime të shpeshta.
Qytetarët kërkojnë ndërhyrje të menjëhershme nga autoritetet përgjegjëse për përfundimin e punimeve dhe garantimin e sigurisë në këtë segment rrugor, duke theksuar se situata është kthyer në problem të përditshëm për kalimtarët dhe drejtuesit e mjeteve.
