Suedia propozon ndalimin e rrjeteve sociale për fëmijët nën 15 vjeç

Shkruar nga: S. H | Publikuar më: 03.06.2026, 08:26

Një komision hetimor i autorizuar nga qeveria suedeze ka propozuar ndalimin e përdorimit të rrjeteve sociale për të miturit nën moshën 15 vjeç. Propozimi vjen pas shqetësimeve në rritje për ndikimin e platformave sociale në shëndetin mendor dhe zhvillimin e fëmijëve. Ministri i Shëndetësisë Publike, Jakob Forssmed, paralajmëroi se shoqëria po rrezikon të humbasë një brez të tërë për shkak të konsumit të pandërprerë të përmbajtjeve online.

Sipas rekomandimeve të komisionit, mosha minimale për përdorimin e rrjeteve sociale duhet të caktohet në 15 vjeç. Platforma si Snapchat, Instagram, Facebook, TikTok dhe YouTube do të kenë përgjegjësinë për të verifikuar moshën e përdoruesve. Ndërkohë, disa platforma lojërash si Roblox, Minecraft dhe Fortnite mund të përjashtohen nga ky kufizim.

Projektligji do t’u dërgohet për konsultim palëve të interesuara përpara se të marrë formën përfundimtare, ndërsa synohet që të hyjë në fuqi më 1 janar 2028. Suedia ndjek kështu debatin ndërkombëtar mbi sigurinë e fëmijëve në internet, pas vendimit të Australia që në vitin 2025 të vendosë kufizime të ngjashme për përdorimin e rrjeteve sociale nga të miturit.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.

JOQ Sondazh

KLIKO PËR TË VOTUAR

Më të Lexuarat

Shkarkoni aplikacionin JOQ ALBANIA në platformat

Më të fundit